Abhinav Ranjan Jha : Founder of AbhinavAjMods Ke Sath Interview

Hello Friends, Aaj ki iss interview section me hamare sath Bihar ke Sitamarhi district se Abhinav Ranjan Jha hai. Jo ek popular blog AbhinavAjMods ke founder hai.

1.Abhinav Ranjan Jha Aap Apne Bare Me Or Aapki Sites Ke Bare Me Kuch Bataye

 Mera name Abhinav Ranjan Jha hai, Mai ek hindi professional blogger hu or apne 2 blog www.abhinavajmods.com or www.mymods.tk par blogging karta hu. Mai shuru se hi kuch aisa work karna chahata tha jisme mai naam kma saku or apni life bana saku. Mujhe blogging me aaj 6 month ho gaye hai or aaj mai ek professional blogger ban gaya hu. Blogging hi ab mera part time job ban gaya hai. Aaj mai logo ki help bhi kar raha hu or online earning bhi kar raha hu. Mai chahata hu ki mai hrr us blogger ko success bana saku jo online bussiness kr paise kmana chahata hai.


2.Aap Blogging Ki Duniya Me Kaise Aaye Aur Aapki Shuruaat Kaisi Thi 

Mujhe blogging ke bare me blogspot.com se pata chala tha. Maine sbse pehle ek app develop kiya tha FeelMusic. To mai use internet pr upload krne ke lie Blogger pr ek blog bnaya. Uss time mujhe blogging ke baare kuchh nhi pata tha. Fir maine kuchh Mini Militia Game ke mods develop kiye to unko internet pe upload krne ke lie ek new blog bnaya and maine uss blog ka naam rkha AbhinavAjMods. Then maine ek din ShoutMeLoud ke CEO ka interview dekha. Or uss din se maine blogging ke baare me hrr ek chiz pata kia or professionaly trike se blogging shuru kiya. Blogging ki duniya me ye mera sbse pehla kadam tha.

3. Aapne Apne About Page Me Likha Hai Ki Aap Pehle Tricks, Offers Topic Pe Blogging Karte The. To Achank Aapne Apna Topic Change Kyu Kiya.

Haa aapne sahi pdha. Pehle mera AbhinavAjMods blog Tricks and new updated offers pe hua krta tha. But wo topic mere psnd ka nhi tha. And kisi ne sch kaha hai ki aapko jo chiz psnd na ho usse aap bore ho jayenge. Or hua bhi kuchh aisa hi. Mai uss topic se bore ho gya tha. Or mujhe kuchh mhino me blogging ki kaafi jankari ho gyi thi to maine socha ki mai blogging topic par hi blogging krta hu.

4. Aapne Apne Ke Liye Hindi Language Hi Kyu Choose Kiya?

Maine pehle socha ki mai english me hi articles likhta hu. But ek din maine Mozila Firefox ka report pdha ki duniya me 89% Websites english me hai but 23% log ki achhe se english smjh pate hai. Or mai uss report ko dekh ke shocked ho gya. Then maine decide kia ki mai apne launguage Hindi me hi articles likhunga. Or especially maine apna blog un indians ke lie bnaya jinhe english smjhne me dikkat hoti hai.

5. Aapki Internet Se First Income Kaise Hui Thi .

Internet se meri pahli income shortest se hui thi. Jo ki ek link shortening website hai.

6.Abhi Aap Abhinavajmods par kon-kon se monitization methods se Earning kar rahe hai ?

Abhi mai sirf Google adsense or affiliate marketing se earning kr raha hu.

7.Aap Abhinavajmods par traffic badhane ke  liye kya-kya karte hai ?

Sirf ek hi formula use karta hu. Mai sirf apne readers ke liye likhta hu. Yaha mai aapse ek bat kahna chahunga, kuch log mujhse puchhte hai ki aap blog par content likhne ke idea kaha se banate ho, par mujhe iski jarurat nahi prti ki mai kya article likhu. Mere readers hi apne problem bta ke mujhe idea de dete hai ki mujhe kya article likhna chahiye.

8.Ek Successful Blogger Bane Ke Liye Hame Kya Karna Chahiye

Successful blogger hi nahi mai aapko har work me success hone ki ek choti si tips btata hu. "Sirf mehanat karo or dil se karo". I promise agar aap is choti si tips ko follow karoge to aapko kabhi bhi kisi bhi kaam me asafalta nahi milegi.

9.Aapke Ab Tak Ke Blogging Safar Me Aapne Sab Se Badi Konsi Galtiya Ki Thi Jo Aap New Blogger Se Hote Hue Nahi Dekhna Chahte

Mujhse blogging me sirf ek galti huyi hai. Wo hai copyrighting. Maine shuru me dusre blog se tricks copy krke apne blog pr post kiya krta tha. Jiski wajah se mujhe kafi nuksaan hua tha. Or mai naye bloggers se yahi kehna chahunga ki wo copy-paste krke post likhna chhor de.


10. AbhinavAjMods Ki Sab Se Badi Challenging Problem Konsi Thi Aur Aap Ne Usse Kaise Solve Kia

Mujhe apne blog par http https duplicate content ki problem aayi thi. Jiski wajah se mere blog ka seo rank km ho gya tha. Mujhe is problem ko solve karne me bahut mehanat karni padi, pr maine ise 8-10 day me solve kar liya tha.

11. Apne Pure Din Me Se Aap Blogging Ko Kitna Time Dete Hai

Mai abhi 11th me study krta hu. So, pdhai bhi jaruri hai. Mai blogging pe jyada nai, 2-3 hour time deta hu.

12. Aapki life Blogging se pehle kya thi aur aaj blogging ke dauran kaisi , Aapki life me kya change aaya Blogging se ?

Blogging se pahle main ek student tha. But aaj mai student ke sath sath ek blogger bhi hu. Mujhe uss time kafi khusi milti hai jb mai kisi se kehta hu ki mai ek blogger hu.

13. Blogging Ke Alawe Aapka Interest Or Kis-Kis Chiz Me Hai?

Technology me mujhe kaafi interest hai. Or gaming me bhi.

14.Aap New Bloggers Ko Kya Advice Dena Chahege

Mai new blogger se kahna chahunga ki koi bhi kaam karne se pehle uska target banao. Pahle tay karo ki aapke liye kounsa rasta badiya hai jo aapko manzil tak pahucha sake. Internet ek samundar ki tarah hai jisme kroro log apni website bna ke baithe huye hai.

Kamyab hone ka sabse aasan tarika hai khud par bhrosa rkho. Agar aapke blog par traffic nhi aa paya to wait kijiye. Khud par bhrosa rkhiye, original content likhiye traffic to aana pkka hai. Kuchh log traffic na aane ki wajah se nirash ho jate hai or blogging chhod dete hain. Yahi unki sbse bdi glti hoti hai.

Dosto ye tha interview AbhinavAjMods ke founder Abhinav Ranjan Jha ke sath. Agar ye post pasand aaya ho to please share kre.